گزارشگر:سه شنبه 5 دلو 1395 - ۰۴ دلو ۱۳۹۵
د افغانستان لویه څارنوالی وایی چې له ۱۵۰۰ څخهیې د ډېرو هغو کسانو نومونه د ممنوعالخروج له لېسته لیرې کړی چې ممنوعالخروجیې ضروری نهوو.
د لویې څارنوالۍ ویاند جمشید رسولی د دوشنبې په ورځ په کابل کې یوه خبری کنفرانس ته وویل چې د یادو کسانو نومونه د یوه لوړپوړی ګمارل شوی پلاوی تر څېړنو وروسته د ممنوعالخروج له لېسته ایستل شوی دی.
د ښاغلی رسولی په خبره دغه کسان په تېرو کلونو کې د بېلابېلو ادارو لهخوا ممنوعالخروج اعلان شوی وو.
نوموړی وایی:
“د ممنوعالخروج برخه کې دا زموږ لومړنۍ پرېکړه ده، په لومړنیو مرحلو کې د دغو کسانو ممنوعالخروج غیر موجه او ضروری ګڼل شوی، دا په دې معنی نهده چې دا ټول هغه کسان دی چې په دغه لېست کې شامل وو، بلکې په ټول افغانستان کې څو زره کسان دی چې ممنوعالخروج اعلان شوی دی.”
خو د ښاغلی رسولی په خبره لاهم زرګونه کسان شته چې ممنوعالخروج دی او په لېست کې یې نومونه خوندی دی.
څه موده وړاندې افغان ولسمشر محمد اشرف غنی د یو حکم په صادرولو سره د کورنیو چارو وزارت درې پخوانی مرستیالان مجتبی پتنګ، جمیل جنبش او جمال ناصر صدیقی ممنوعالخروج اعلان کړل او دوی یې د تحقیقاتو په هدف لویې څارنوالۍ ته معرفی کړل.
په ورته وخت کې د حقوقپوهانو د ټولنې مرستیال ګل احمد مددزی وایی چې د ممنوعالخروجۍ له لېسته د نومونو لیرې کول یو قانونی عمل دی، خو دا کار باید د قانون له احکامو سره سم تر سره شی.
د ښاغلی مددزی په خبره د ممنوعالخروجۍ له لېسته د نومونو د لیرې کېدو پروسه باید پر وخت او شفاف ډول ترسره شی.
نوموړی په دې اړه ازادی راډیو ته وویل:
“هغه کسان چې د جرم په ارتکاب شک ورباندې کېږی او تورنېږی، د دوی په اړه پر وخت اجرأت نهکېږی دا یوه ستونزه ده، امکان لری یوه جرمی پېښه چې په دوو یا درېیو میاشتو کې حل شی دوه یا درې کاله وخت نیسی.”
له دې ټولو سره-سره د افغانستان د لویې څارنوالۍ مسؤلین وایی چې د ممنوعالخروج په اړهیې له یو شمېر ادارو سره په ګډه یوه کړنلاره چمتو کړې چې په راتلونکی کې به د ممنوعالخروج برخه کې واحد اجرأت او په پوره دقت عمل وکړی.
Comments are closed.