گزارشگر:چهار شنبه 13 دلو 1395 - ۱۲ دلو ۱۳۹۵
د افغانستان د خپلواکو ژورنالېستانو د ملاتړ ټولنه وایې په کابل او ولایتونو کې د دولتی ادارو د ویاندویانو په اړه د خبریالانو سلګونه شکایتونهیې ثبت کړې دی.
د دغې ټولنې مشر رحیمالله سمندر د سې شنبې په ورځ ازادی راډیو ته وویل چې په کابل او ولایتونو کې د دولتی ادارو د ویاندویانو په اړه د خبریالانو سلګونه شکایتونهیې ثبت کړی دی.
دښاغلی سمندر زیاته کړه:
“په دغو شکایتونو کې په کابل کې د وزارتونو له ویاندویانو، په ولایتونو کې د والیانو له ویاندویانو او دغهراز د امنیه قوماندانۍ له ویاندویانو او د یو شمېر عمومی ریاستونو له ویاندویانو شکایت شوی چې دوی معلومات نهورکوی، دوی مثلاً په دې پلمه چې جلسه لری او یا هم وایی چې وروسته اړیکه ونیسئ او وروسته بیا ټیلیفون بندوی، دغه شکایتونه موږ ته راغلی او هغه مېکانیزم چې معلوماتو ته د لاسرسی برخه کې معرفی شوی هغه هم ډېر مغلق دی او په اسانۍ سره خبریالانو ته معلومات نهورکول کېږی.”
په ورته وخت کې یو شمېر افغان خبریالان هم وایی چې د دولتی ادارو د ویاندویانو لهخوا په وخت د معلوماتو نهشریکول د دې لامل شوی چې د دوی کارونه له ستونزو سره مخ شوی او د پر وخت او دقیقو راپورونو په ورکولو بریالی نهشی.
یو تن خبریال احسانالله سهاک وایی:
“کله چې یو ویاند نهحاضرېږی موږ ته معلومات راکړی واقعاً دا زموږ په کارونو ناوړه اغېز کوی، اکثره اوسمهال د خبریالانو اړیکې له دولتی ویاندویانو سره پرې شوی ځکه هغوی هېڅ ډول همکاری نهلری.”
بل افغان خبریال حسین ناصری بیا وایی:
“سره له دې چې حکومت په تېرو دوو کلونو کې د خبریالانو د ستونزو د هواری ژمنه کړې، خو لا هم افغان خبریالان له ډېرو ستونزو سره مخ دی، په ځانګړی ډول دولتی ویاندویان له خبریالانو سره سلیقوی چلند کوی او په وخت معلومات نهشریکوی.”
د یادونې وړ ده چې ازادی راډیو هم په دې برخه کې په وار-وار له ورته ستونزو سره مخ شوې ده.
دا په داسې حال کې ده چې تر دې وړاندې ولسمشر، رسنیو ته د حکومتی چارواکو لهخوا، د معلوماتو د ورکولو د بهیر د ګړندیتوب په مقصد، نوی حکم ورکړ چې لوړپوړی دولتی چارواکی، وزیران او والیان مکلف دی چې د محرمو معلوماتو په پام کې نیولو سره، د اړتیا وړ معلومات له رسنیو سره شریک کړی.
هڅه مو وکړه چې د خبریالانو د وروستیو شکایتونو په اړه اطلاعاتو ته د لاسرسی د څار کمېسیون نظر هم واخلو خو له پرلهپسی اړیکو وروسته بیا هم ونهتوانېدو چې د دغه کمېسیون له چارواکو سره خبرې وکړو.
خو د افغانستان جمهوری ریاست وایی، له هغو ادارو او ویاندویانو سره به قانونی چلند کېږی چې خلکو ته د رسنیو له لارې پر وخت د معلوماتو له ورکولو ډډه کوی.
د ولسمشر مرستیال ویاند شاهحسین مرتضوی په دې اړه ازادی راډیو ته وویل:
“د جمهوری ریاست په ګډون د ټولو وزارتونو، بنسټونو او ولایتونو ویاندویان ملکف دی چې د ولسمشر د حکم او اطلاعاتو ته د لاسرسی د قانون مطابق له رسنیو سره همکاری وکړی.”
ولسمشر غنی د ۱۳۹۳ لمریز کال د لیندۍ په میاشت کې اطلاعاتو ته د لاسرسی قانون توشېح کړ چې شپږ فصلونه او ۳۲ مادې لری.
هغه قانون چې افغان خبریالانو او د رسنیو څخه د ملاتړ ادارو ډېر وخت د هغې په عملی کېدو ټینګار کړی او ویلی یې دی چې لاهم د حکومت څخه پر وخت د معلوماتو په اخیستلو کې ستونزې موجودې دی.
راپور: ناجیه ساپۍ
Comments are closed.