حضور ۱۰ هزار شبه نظامی در مرز مشترک افغانستان با تاجیکستان

دوشنبه 4 دلو 1395/

mandegar-3وزیر داخله تاجیکستان با اشاره به وضعیت پیچیده امنیتی در افغانستان اعلام کرد که حضور ۱۰ هزار شبه نظامی در مرز مشترک تاجیکستان با این کشور نگران کننده است.
رمضان رحیم‌زاده وزیر داخله تاجیکستان به خبرنگاران گفت که بیش از ۱۰ هزار شبه نظامی در مرز مشترک این کشور با افغانستان فعالیت می‌کنند.
وی افزود: با در نظرداشت وضعیت پیچیده امنیتی در افغانستان کسب آمار دقیق گروه‌های شبه نظامی در مناطق مرزی ممکن نیست اما برآوردهای اولیه از فعالیت ۱۰ تا ۱۵ هزار شبه نظامی در این مناطق خبر می‌دهند.
رحیم‌زاده فعالیت گروه‌های شبه نظامی در مرز مشترک با افغانستان را بسیار نگران کننده توصیف کرد.
وزیر داخله تاجیکستان در ادامه حضور اتباع این کشور در گروه‌های شبه نظامی در مرز افغانستان را نیز تائید کرد.
چند ماه قبل نیز تاجیکستان به دلیل نگرانی از فعالیت گروه‌های شبه نظامی در مرز مشترک با افغانستان مانور نظامی بزرگی را با حضور ۱۰ هزار سرباز و تسلیحات سنگین به صورت مشترک با ارتش چین برگزار کرده بود.
این اظهارات در حالی مطرح می‌شود که به گفته مقامات سابق دولت افغانستان، موترهای زرهی که پس از سقوط ولایت قندوز به دست طالبان افتاده است، برای ترمیم توسط مهندسان روسی به تاجیکستان منتقل می‌شوند.

اشتراک گذاري با دوستان :

Comments are closed.