رای‌زنی دربارۀ انتقال گاز از شبرغان به تاجیکستان

/

انتقال گاز از شبرغان به تاجیکستان در دیدار روز شنبۀ گل شیرعلی وزیر انرژی و صنایع تاجیکستان با عمر زاخیل وال وزیر مالیه و رییس هیأت بلندپایۀ اعزامی افغانستان به دوشنبه بحث و بررسی شد.
به نقل از دفتر مطبوعاتی وزارت انرژی و صنایع تاجیکستان، دو طرف توافق کردند که شبکه‌های توزیع گاز بین مناطق جنوبی تاجیکستان و ولایت‌های شمالی افغانستان به هم متصل شوند.
شبرغان شهر مهمی در ولایت جوزجان افغانستان است که از منابع مهم انرژی برخوردار است.
در سال ۱۹۶۷ اتحاد جماهیر شوروی سابق تولید گاز طبیعی در افغانستان را به آغاز کرد و در سال ۱۹۹۰ گاز طبیعی از طریق خط لوله به ازبکستان و تاجیکستان منتقل می‌شد.
ذخایر گاز این منبع حدود ۷۷ میلیارد متر مکعب برآورد شده است که این حجم در میان مدت علاوه بر پاسخگویی به نیازهای افغانستان، زمینه صادرات این محصول راهبردی را فراهم می کند.
همچنین دو طرف در باره انتقال برق از تاجیکستان به افغانستان و همکاری در تولید انرژی به رایزنی پرداختند.

اشتراک گذاري با دوستان :

Comments are closed.