سران سازمان همکاری شانگهای: از پروسۀ صلح در افغانستان حمایت می‌کنیم

22 سنبله 1393/

سران کشورهای عضو سازمان همکاری شانگهای روز جمعه از روند بازسازی و آشتی ملی در افغانستان حمایت کردند.
به گزارش خبرگزاری شین‌هوا، شرکت‌کننده‌گان در اجلاس سازمان همکاری شانگهای تأکید کردند باید به استقلال، حاکمیت و تمامیت ارضی افغانستان احترام گذاشت.
آنها از اجرای فرایند بازسازی و آشتی ملی تحت رهبری افغان‌ها به منظور تبدیل افغانستان به یک کشور خودکفا و صلح‌جو، حمایت کردند.mnandegar-3
اجلاس یازدهم تا دوازدهم ماه سپتمبر سازمان همکاری شانگهای، شی جین‌پینگ رییس جمهور چین و همتایان وی را از دیگر کشورهای عضو این سازمان گردهم آورد.
سازمان همکاری شانگهای که در سال ۲۰۰۱ تأسیس شد، متشکل از چین، قزاقستان، قرقیزستان، روسیه، تاجیکستان و ازبکستان است.
افغانستان، هند، ایران، مغولستان و پاکستان کشورهای ناظر و بلاروس، ترکیه و سریلانکا شرکای گفتگوی این سازمان هستند.
تاجیکستان در حال حاضر ریاست دوره‌یی سازمان همکاری شانگهای را برعهده دارد.

اشتراک گذاري با دوستان :