پنجمین تفاهمنامۀ همکاری‌های افغانستان و تاجیکستان امضا شد

26 حوت 1392/

mandegar-3افغانستان و تاجیکستان پنجمین تفاهمنامه اقتصادی دو کشور را در عرصه‌های مختلف اقتصادی، تجاری و بهداشتی به امضا رساندند.
دفتر ریاست‌جمهوری کشور روز یکشنبه اعلام کرد که در سفر هیات اعزامی افغانستان به تاجیکستان پنجمین تفاهنمامه همکاری‌های اقتصادی کابل ،دوشنبه در زمینه‌های اقتصادی و تجاری، گمرکات، بیمه، معارف و تحصیلات عالی، معادن، حمل و نقل، زراعت، فرهنگ، جوانان، توریسم و بهداشت به امضا رسید.
دولت افغانستان ابراز اطمینان کرد با امضای این تفاهمنامه‌ها روابط کابل – دوشنبه بیش از پیش نزدیک خواهد شد.
پنج تفاهمنامه همه‌جانبه اقتصادی و تجاری شرایط را برای همکاری های تجار و بازرگانان دو کشور فراهم کرده است و مقامات دو کشور همواره به لزوم گسترش همه جانبه کابل ، دوشنبه تاکید کرده اند.
عبدالهادی ارغندیوال وزیر اقتصاد کشور که ریاست هیات اعزامی افغانی به تاجیکستان را بر عهده داشت در این سفر با علی رحمان رییس جمهور تاجیکستان نیز دیدار و بر لزوم توسعه همکاری های اقتصادی، اجتماعی و فرهنگی دو کشور تاکید کرد.
ششمین نشست مشترک دو کشور برای گسترش همکاری های اقتصادی، اجتماعی سال ۲۰۱۵ در کابل برگزار خواهد شد.

اشتراک گذاري با دوستان :

Comments are closed.