تیم ملی فوتبال زیر ۱۵ سال کشور در مسابقات فوتبال آسیای مرکزی که به میزبانی تاجیکستان برگزار شده بود، برای نخستین‌بار، قهرمان این رقابت‌ها در تاریخ افغانستان شد.
بر بنیاد معلومات فدراسیون فوتبال افغانستان، تیم ملی فوتبال زیر ۱۵ سال افغانستان در مسابقات با سه بُرد و یک باخت، جام قهرمانی رقابت‌های آسیای مرکزی را بالای سر کشید.
در این مسابقات، تیم ملی فوتبال زیر ۱۵ سال افغانستان روز گذشته در برابر ازبیکستان به میدان رفت که با نتیجۀ ۳-۲، افغانستان پیروز میدان شد.
سمیر سمندری، در دقیقۀ ششم، اصغر حسینی، در دقیقۀ هشتم و تمیم میرزاد، در دقیقۀ ۶۳ گول پیروزی را وارد دروازۀ ازبیکستان کردند.
تیم زیر ۱۵ سال افغانستان در دیدار‌های مقابل تاجیکستان و قرغزستان پیروز شد، اما در دیداری برابر ترکمنستان شکست خورد.
در مرحلۀ نخست مسابقات فوتبال آسیای مرکزی بجز ایران، تمامی کشورها به شمول افغانستان، تاجیکستان، قرغزستان، ترکمنستان و اوزبیکستان اشتراک کرده‌اند.