وزارت تجارت و صنایع افغانستان می‌گوید، تا چند روز آینده نمایشگاه تحت نام سرمایه‌گذاری افغانستان و هند در شهر ممبی هندوستان برگزار می‌شود.
مسافر قوقندی سخن‌گوی این وزارت امروز گفت، در این نمایشگاه که تولیدات داخلی افغانستان به نمایش گذاشته می‌شود مقام‌های بلندرتبۀ دولتی به سطح رهبران کشور اشتراک می‌کنند.
به گفتۀ آقای قوقندی، هدف از برگزاری این نمایشگاه جلب سرمایه‌گذاری‌های خارجی در داخل کشور می‌باشد.
آقای قوقندی می‌گوید، به‌خاطر اشتراک در این نمایشگاه به کشورهای مختلف دعوت‌نامه فرستاده شده تا سرمایه‌گذاران آن کشور‌ها با اشتراک در نمایشگاه بمبی در مورد وضعیت سرمایه‌گذاری در افغانستان معلومات حاصل نموده و به‌خاطر سرمایه‌گذاری در افغانستان تشویق شوند.