گزارشگر:شنبه 11 عقرب 1396 - ۱۰ قوس ۱۳۹۶
د افغانستان ولسی جرګه وایی، ټاکل شوې چې نن دې جرګې ته تازه ۱۲ معرفی شوی نوماند وزیران خپلې کاری برنامې تشریح کړی.
ولسی جرګه وایی، د رئیسانو د کمېټې په غونډه کې پرېکړه شوې چې د شنبې په ورځ «۱۳۹۶ کال د لیندۍ ۱۱» به نوی معرفی شوی نوماند وزیران د دغه جرګې غړو ته خپلې کارې برنامې وړاندې کړی.
د ولسی جرګې مرستیال منشی عرفانالله عرفان د جمعې په ورځ «۱۳۹۶ کال د لیندۍ ۱۰»ازادی راډیو ته وویل چې نوماند وزیران به په درېیو ورځو کې خپلې کاری برنامې وړاندې کړی او له دې وروسته به د رأیې اچونې پروسه پیل شی.
دی وایی: «راتلونکې شنبه، یکشنه او دوشنبه نوماند وزیران ولسی جرګې ته تشریف راوړی او ټاکل شوې چې سبا پنځه نوماند وزیران، بله ورځ پنځه نور او د دوشنبې په ورځ دوه تنه خپلې کاری برنامې وړاندې کړی، ورپسې موږ د رأیو صندقونو ته ځو او د رأیې ورکولو پروسه پیلوو.»
دا ۱۲ نوماند وزیران ولسی جرګې ته د باور د رأیې د ترلاسه کولو په هدف تېره شنبې د ولسمشر د دوهم مرستیال سرور دانش له لوری معرفی شول.
ښاغلی دانش د ولسی جرګې په غونډه کې وویل چې دا کسان د تجربې او لیاقت له مخې ټاکل شوی او د دې جرګې له غړو یې وغوښتل چې شرایطو ته په پام سره دوی ته د باور رأیه ورکړی.
نصیر احمد درانی د کرنې، مالدارۍ او اوبو لګولو، مجیب الرحمن کریمی د کلیو د بیا رغونې او پراختیا، طارق شاه بهرامی د دفاع، ویس احمد برمک د کورنیو چارو، یما یاری د فواید عامې، فیضالله ذکی د کار ټولنیزو چارو، شهیدانو او معلولینو، مصطفې مستور د اقتصاد، حمید طهماسی د ټرانسپورټ، شهزاد ګل اریوبی د مخابراتو او تکنالوژۍ، ګلاغا شیرزی د سرحدونو قومونو او قبایلو چارو، نرګس نهان د کانونو او پطرولیم او نجیبالله خواجه عمری د لوړو زدهکړو وزارت ته د کاندید وزیرانو په توګه معرفی شوی دی.
د ولسمشر دوهم مرستیال سرور دانش د وزیرانو د معرفۍ په غونډه کې ډاډ ورکړ چې ډېر ژر به د کابینې او د سترې محکمې د عالی شورا پاتې غړی هم، د باور رأیې د اخېستو لپاره ولسی جرګې ته معرفی شی.
په ورته وخت کې یو شمېرحقوقی کارپوهان وایی چې د ولسی جرګې غړی دې د وزیرانو د کاری برنامو له اورېدو وروسته معیارونه په پام کې ونیسی او بیا دې رأیه ورکړی.
له ډلې یې کبیر رنجبر ازادی راډیو ته وویل: «یو سلسله معیارونه دی چې باید جدی په نظر کې ونیول شی، مثلاً که یو کس کاندید شوی دی په خپله رشته کې لوړې زدهکړی لری او په ورته وخت کې خرابه سابقه هم نهلری حد اقل ښه کاری تجربه لری نو تخصص او کاری تجربه باید خامخا په نظر کې ونیول شی.»
ښاغلی رنجبر ټینګار کوی چې د هېواد شرایطوته په کتو باید ولسی جرګه نوماند وزیرانو ته د باور رایې د ورکړې په برخه کې له ډېرې سختۍ کار وانه خلی ترڅو په وزارتونو کې د سرپرستۍ مسله ختمه او په ادارو کې د ستونزو مخه ونیول شی.
Comments are closed.