یک هیأت امریکایی با مقام‌‎های دولت تاجیکستان در خصوص جلوگیری از تهدیدهای احتمالی از سوی افغانستان، بحث و گفت‌وگو کرده‌اند. رجب علی محمدعلی اف معاون فرمانده گارد ملی تاجیکستان که در این گفت‌وگوها سرپرستی هیات تاجیکستان را به عهده داشت، گفته است: این نشست کاری با ابتکار امریکا برگزار شد و دو طرف در این نشست وضع امنیتی منطقه به ویژه اوضاع افغانستان و جلوگیری از تهدیدهای احتمالی پس از خروج نظامیان خارجی در سال ۲۰۱۴ از افغانستان را بررسی کردند.
وی گفت: انتظار می‌رود در چارچوب این گفت‌وگوها برنامه راهبردی سیاست امنیت در منطقه نیز تهیه شود.
وی تأکید کرد: موضوع انتقال نیرو و تجهیزات نظامیان خارجی از افغانستان از طریق کشورهای آسیای مرکزی به ویژه تاجیکستان در این نشست مطرح نشد.
هیات امریکایی دو روز پیش برای سفر سه روزه وارد تاجیکستان شد.