رییس نمایندگی دفتر کمیساریای عالی سازمان ملل متحد در امور پناهنده‌گان از افزایش میزان مهاجرت افغان‌ها به تاجیکستان پس از یک دوره رکود خبر داد.
خاصی ائوسید رییس نمایندگی دفتر کمیساریای عالی سازمان ملل متحد در امور پناهنده‌گان در گفت‌وگو با خبرنگاران گفت که از آغاز سال جاری میلادی ۴۰۰ نفر از افغانستان وارد تاجیکستان شده اند.
ائوسید با اشاره به این که در تاجیکستان چهار هزار نفر مهاجر افغان ثبت‌نام‌شده حضور دارند، گفت که به همه این افراد، کمک و مشاوره حقوقی ارایه شد و ۶۰۰ نفر نیز در انتظار پاسخ مقامات تاجیکستان هستند.
به گفته کمیساریای عالی پناهندگان سازمان ملل متحد، تاجیکستان در آسیای مرکزی تنها کشوری است که مهاجران افغان را رد نکرده است.
این در حالی است که در قزاقستان، ۶۰۰ پناهنده افغان حضور دارند و در ازبکستان، قرقیزستان و ازبکستان آمار دقیقی در دست نیست.
کشورهای همسایه افغانستان در ۳ دهه اخیر شاهد ورود مهاجران افغان بوده‌اند.