گزارشگر:چهار شنبه 7 میزان 1395 - ۰۶ میزان ۱۳۹۵
مقامات تاجیکستان اعلام کردند که پس از افزایش ناامنیها در افغانستان، قرار است چین در مرز مشترک این کشور با افغانستان پاسگاه ایجاد کند.
دولت چین طی قراردادی با تاجیکستان، چندین پاسگاه در مرز مشترک این کشور با افغانستان میسازد.
مقامات تاجیکستان اظهار داشتند که علاوه بر ساخت پاسگاه، دولت چین قرار است تاسیسات مرزی نیز ایجاد کند.
تاجیکستان در پی افزایش ناامنیهای اخیر در افغانستان، افزایش تولید مواد مخدر همچنین تحرکات طالبان در ولایت قندوز نگران است.
سال گذشته گروههای مسلح تعدادی کارگر جاده سازی را از پرجمعیتترین منطقه تاجیکستان که به چین نیز وصل میشد، ربودند.
دولت تاجیکستان در بیانیهیی اعلام کرده که کمیته شورای امنیت ملی این کشور قراردادی را با چین برای احداث چندین پاسگاه و مرکز آموزش برای مرزبانان تاجیک امضا میکند.
براساس آمار رسمی حجم مبادلات چین به تاجیکستان در سال گذشته از مرز ۲٫۵ میلیارد دلار گذشته است.
به گزارش آسیا، چین پیش از این نیز پاسگاهها و تاسیسات مرزی برای تاجیکستان ساخته بود.
سال گذشته «امان الدین قریشی» فرماندار شهرستان «امام صاحب» ولایت قندوز، هشدار داده بود: بیش از ۲۰۰ جنگجوی خارجی شامل ۴۰ جنگجوی تاجیکستانی، در مرز افغانستان و تاجیکستان در آن سوی دریای «آمو» پناهگاه ایجاد کردهاند.
Comments are closed.