ضمیر کابلوف نماینده رییس‌جمهور روسیه در امور افغانستان به سخنان اخیر سفیر افغانستان در مسکو واکنش نشان داده و گفته است که این اظهارات توهین‌آمیز است.
قیوم کوچی سفیر افغانستان در روسیه که کاکای اشرف غنی نیز می‌شود، چندی قبل، تاجیکستان را متهم به دست داشتن در تهیه مواد مخدر افغانستان کرده بود.
قیوم کوچی همچنین خطاب به چند مقام روسی گفته بود: مواد مخدر در افغانستان کشت می‌شود ولی پشت آن روس‌ها و مافیای تاجیکستان هستند.
کاکای اشرف غنی در سخنانی‌که همه او را توهین آمیز خوانده‌اند افزوده که تاجیکستان کشوری بسیار کوچک است و فرهنگ و زبان رسمی شان روسی است و حق ندارند زبان خود را بنویسند.

این همه باعث واکنش شدید مقامات تاجیکستان و روسیه شد.
علاوه بر روسیه تاجیکستان نیز این اظهارات را غیرقابول قبول خواندند و خواستار جوابگویی رسمی از وزارت خارجه افغانستان شدند.
ضمیر کابلوف نیز تاکید کرده که همه اظهارات قیوم کوچی کاملاً بی اساس است.
به گفته نماینده رییس جمهور روسیه در امور افغانستان، تاجیکستان همکار راهبردی روسیه است و توهین به دوشنبه، توهین به مسکو است.
کابلوف در عین حال هشدار داده که اظهارات توهین آمیز و بی‌اساس، پاسخ منا
سب را هم در پی خواهد داشت.