د افغانستان د کورنیو چارو وزیر ډګر جنرال تاج محمد جاهد د افغان ځواکونو سرښندنې وستایلې او وایی، افغان ځواکونو د جګړې په ډګر کې وسله وال مخالفین سخت ځپلی.
ښاغلی جاهد چې د کورنیو چارو وزارت د یوه پلاوی په مشرۍ لوی کندهار ته په سفر تللی دغه څرګندونې تېره ورځ په هلمند ولایت کې وکړې.
نوموړی د خبرو پر مهال وویل، چې افغان ځواکونو د جګړې په ډګر کې ښې لاس ته راوړنې درلود، او په قوی مورال سره د دښمن پر وړاندې جګړه کوی.
نوموړی ولس ته ډاډ ورکړ، چې افغان ځواکونه به خپل قوی مورا او افغانی غیرت سره د هېواد دښمنان پرېنږدی چې خپلو شومو موخو ته ورسېږی.
د کورنیو چارو وزیر ډګرجنرال تاج محمد جاهد غونډې ته د وینا پر مهال و ویل، چې د سفر موخه یې د امنیتی وضعیت ارزونه ، د پولیسو د ستونزو اوریدل او د امنیتی حالت په اړه د خلکو د نظرونو راټول وو.
ښاغلی جاهد هلمندیانو ته دا ډاډ هم ورکړ، چې په خپل ټول توان سره به وسله والو مخالفینو ته په هلمند کې خامخا ماتې ورکوی.