محمداشرف غنی، رییس حکومت وحدت ملی افغانستان صبح دیروز (یکشنبه ۲۶ سنبله) جهت شرکت در افتتاح مسابقات آسیایی عازم ترکمنستان شد.
ارگِ ریاست جمهوری افغانستان با انتشار اطلاعیه‌یی اعلام کرد، آقای غنی ضمن ملاقات‌های جداگانه با قربان‌قُلی بردی محمدوف، رییس‌جمهور ترکمنستان و امام‌علی رحمان، رییس‌جمهوری تاجکستان، در مراسم رسمی افتتاح مسابقات آسیایی شرکت خواهد کرد.
رییس حکومت را در این سفر، صلاح‌الدین ربانی، وزیر خارجه، محمدحنیف اتمر، مشاور امنیت ملی، اکلیل حکیمی، وزیر مالیه، محمدشاکر کارگر، نمایندۀ ویژۀ رییس حکومت در امور کشورهای آسیای میانه و محمدهارون چخانسوری، معاون ارتباطات استراتژیک و رسانه‌های ریاست‌جمهوری همراهی می‌کنند.